Елмас може да го напушти Лајпциг и да потпише за турски великан

Македонскиот репрезентативец, Елиф Елмас на почетокот на оваа година се пресели од Наполи во РБ Лајпциг со цел и желба да напредува, добие поголема минутажа, улога, но се случи сосема спротивното.

Тој во овој период не доби вистинска шанса од тренерот Марко Розе, можеби на почетокот можеше да се користи оправдување дека е потребно време, нова средина…меѓутоа во актуелнава кампања Елиф нема одиграно ниту една минута за бундеслигашот во официјални натпревари, поточно остана на клупа против Баер Леверкузен и Бохум во првенството, додека против Есен во Купот не беше воопшто во комбинација за настап.

Оваа ситуација сака да ја искористи Галатасарај и да го донесе во своите редови, поточно да го врати во Истанбул со оглед на тоа што претходно настапуваше за Фенербахче во периодот од 2017 до 2019 година.

Турските медиуми пренесуваат дека преговорите се во тек и дека постои можност офанзивецот да дојде на едногодишна позајмица во актуелниот шампион и тоа во самата завршница на преодниот рок.

Елиф има 24 години, досега има настапувано уште за Работнички во Македонија.