Елмас доби македонска поддршка на дебито на „Ред Бул арена“ (Фото)

Елиф Елмас ја залечи повредата која ја имаше на крајот од авантурата во Наполи и одработи неколку тренинзи со новите соиграчи од Ред Бул Лајпциг, а тренерот Розе денеска сметаше дека Македонецот е подготвен само за неколку минути.

Македонскиот фудаблски дијамант дебитираше во Бундеслигата на домашен терен, но неговиот тим доживеа непријатен пораз од Ајнтрахт Франкфурт  во воведното коло од вториот дел од сезоната.

Елмас влезе во самата зваршница и одигра неколку минути, но не треба да се заборави дека нашиот репрезентативец доби огромна поддршка од македонските иселеници во Германија.

При самиот пренос на мечот, можеа да се забележат македонски знамиња на трибините на „Ред Бул арена“, а здружението „Македонци во Германија“ ги покажа и пораките кои ги добил Елиф од трибините.

По потпишаниот договор со Лајпциг, Елмас побара трпение од новинарите и нагласи дека ќе му биде потребно време за адаптација во новата средина, па за очекување е да ја темпира формата во месеците кои претстојат.