Елези ја продолжи гол серијата и донесе важна победа за Горица (Видео)

Горица успеа да го победи Шибеник (1:0), иако голем дел од натпреварот го одигра со фудбалер помалку, а херој на домашниот тим беше Агон Елези.

Македонскиот репрезентативец одигра уште еден одличен натпревар за хрватскиот прволигаш, а клучниот момент со кој го реши победникот се случи во 23. минута од средбата.

Погодокот на Елези се покажа како доволен за трите бода за Горица, екипа која од крајот на првиот дел играше со фудбалер помалку поради исклучувањето на Ерцег.

Елези претходно постигна гол и против Динамо, па денешниот погодок е потврда дека игра во одлична форма во овој дел од сезоната.

Agon Elezi zabio je za pobjedu Gorice protiv Šibenika!#supersport #hnl #gorica #šibenik pic.twitter.com/5Slbf5BeUr

— sportnet|HR (@sportnet_HR) February 23, 2025