Елези е нов член на Локомотива Загреб

Досегашниот фудбалер на Шкендија, Дашмир Елези, од денеска и официјално е нов член на хрватскиот прволигаш Локомотива.

19-годишниот Елези веќе го најави својот потенцијал во редовите на тетовскиот клуб и истиот не останал незабележан од хрватскиот клуб, кој реши да го доведе како засилување во пресрет на пролетниот дел од сезоната.

Елези собра солидно искуство во првата македонска фудбалска лига настапувајќи неколку сезони во редовите на македонскиот екс шампион, а Локомотива со него во своите редови ќе се обиде да обезбеди пласман во некој од европските купови.

Шкендија на својата официјална интернет страница го потврди трансферот, со напомена дека ќе добие и 10 проценти од следниот трансфер на досегашниот фудбалер.