Елеганција во движење: Нико Паз со дриблинг-деликатес го хипнотизираше и собирачот на топки (Видео)

Комо реши да игра со отворен гард против Фиорентина и играше храбро во најголем дел од мечот, но иако имаше шанси за гол, не успеа да ја мине непремостливата пречка наречена Давид Де Хеа.

Шпанскиот чувар на мрежата режираше чудесна тројна интервенција при водство на Фиорентина од 0:1, а гостите до крајот постигнаа уште еден гол за потврда на победата.

Комо остана на две победи од стартот на сезоната и со 10 освоени бода е на 17-то место на табелата, но офанзивниот фудбал кој се негува, дава надеж дека тимот ќе фати еден поинаков правец во блиска иднина.

Сеск Фабрегас од стартот на сезоната потенцира дека главен фокус е да се опстане во Серија А, а главен адут во таквата цел засега му е Нико Паз.

Големото засилување од Реал Мадрид воодушевување со своите изданија во дресот на Комо, па сега понуди еден дриблинг деликатес и во ситуација кога неговиот тим претрпе пораз.

Аргентинецот со импресивен „рулет“ се ослободи од двајца чувари, а техниката беше до толку добра, што со подзината уста остана и едно од момчињата кои собираат топки.

Nico Paz… pic.twitter.com/SJbjKiqvTo

— Matteo Bonetti (@Bonetti) November 25, 2024

View this post on Instagram

A post shared by Lega Serie A (@seriea)