Експресно пронајде напаѓач: Аталанта договори италијански репрезентативец како замена за Скамака

Џанлука Скамака доживеа потешка повреда на коленото и го очекува долга пауза од терените, ситуација која го запали алармот во таборот на калчолигашот Аталанта кој одлучи веднаш да се активира на трансфер пазарот и да пронајде соодветна замена.

Со оглед на тоа што Скамака ќе биде во аут најмалку шест месеци, клубот од Бергамо мораше да реагира и како што велат последните вести од Апенините екпресно успеал да го реши проблемото.

Имено Аталанта се договорила со Џенова за трансфер на италијанскиот репрезентативец Матео Ретеги кој ќе пристигне за зделка од 25 милиони евра или поточно 22 фиксни плус 3 милиони евра како бонуси.

Матео солидно се снајде во првата сезона во Италија и на 31 меч даде 9 гола и запиша 3 асистенции.