Ексклузива од Каталонија: Миовски пред трансфер во шпанската фудбалска сензација! (Фото)

Бојан Миовски е на трансфер пазарот и повеќе од јасно е дека Абердин дебело ќе заработи од неговиот трансфер, а последните информации велат дека Македонецот ќе биде замена за Артем Довбик.

Откако неколку дена се поврзуваше со неколку италијански клубови, агентите на Македонецот во последните 24 часа сериозно ги интезивирале преговорите со клуб од Шпанија, а тоа е најголемата сензација од минатата сезона.

Џирона ги освои симпатиите на сите неутрали фудбалски фанови и тимот на Мичел воодушеви со офанзивниот пристап, па сега многу веројатно е дека Миовски ќе стане дел од семејството на овој каталонски клуб.

Угледните медиуми од овој регион во Шпанија информираат дека операцијата е во завршна фаза, а посебно сигурни се уредниците на „Мундо Депортиво“.

Изворите на познатиот каталонски веслник велат дека Македонецот веќе ги прифатил условите на Џирона, па сега останува само да се прецизираат деталите меѓу двата клуба.

🔴⚪️ Noticia MD: El Girona tiene atado al 'nuevo Dovbyk': Bojan Miovski

✍️ @alexlunafut https://t.co/80axyIPPqF

— Mundo Deportivo (@mundodeportivo) August 8, 2024