Поврзете се со нас

СЕХА лига

Екс вардарците го решија Нексе во Задар, ППД Загреб е прв финалист во СЕХА

Објавено

на

Foto:facebook.com/SEHALeague

ППД Загреб е првиот финалист на завршниот турнир во СЕХА лигата, откако во првото полуфинале во салата во Задар не му даде многу шанса на Нексе и покажа доминација.

Хрватскиот првак се чекираше во финалето на фајнал-форот во регионалното натпреварување и тоа го најави со атрактивна игра во првото полувреме, по кое дојде до плус од пет голови.

Предноста од 16:11 во овој дел беше лесно одржлива за фаворитот, а на стартот на вториот дел, стана јасно дека нема да гледаме неизвесна завршница.

ППД Загреб отиде на плус осум и ги стави работите под контрола и до крајот се беше само рутина, во која до израз дојдоа и поранешните вардарови ракометари.

Загрепчани победија со 32:26, а најефикасни беа Чупиќ со седум и Дибиров со шест гола, додека на спротивната страна се издвоија Мославец и Јелениќ со по четири гола.

Реклама
Реклама
Реклама

Популарни