Екс словенечки фудбалер си ја убил сопругата пред своите деца

Поранешниот словенечки фудбалер, Роберт Певец направил грозоморно злосторство откако ја убил сопругата пред своите деца во домот во Дравоград.

Певец кој во кариерата играл за неколку австриски и словенечки клубови по претходните расправии со сопругата добил забрана да и се доближува.

И покрај тоа, 38 годишниот некогашен фудбалер се појавил пред нејзината куќа и физички ја нападнал со тупаници, а потоа и ја давел.

Од повредите, 33 годишната жена починала во болница, еден ден по извршениот напад.

Фудбалерот веднаш е приведен и насоро се очекува да биде изведен пред истражен судија. Според полицискиот билтен, Певец ја убил сопругата пред очите на своите деца.