Екс играч на Арсенал: Една ѕвезда на Јунајтед сезонава му парира на Салах

Мохамед Салах е главен виновник за доминацијата на Ливерпул во Премиер лигата, па египетскиот репрезентативец очекувано ќе биде прв фаворит и за индивидуалните признанија по крајот на сезоната.

Поранешниот играч на Арсенал, Бакари Сања, направил интересен избор на фудбалер на Манчестер Јунајтед, кој според него може да му парира на Салах за епитетот најдобар играч во текот на сезоната.

Јунајтед е далеку од врвот во англиското првенство, но Сања е импресониран од настапите на Бруно Фернандеш.

– Фернандеш има шанси да го освои признанието за најдобар фудбалер, беше одличен во досегашниот тек на сезоната.

– Претходно заслужуваше одредени критики, но сега истапи со квалитетни натпревари, како да го пронајде вистинското место во тимот.

– Тој е капитен со причина, успева да го подигне тимот, конечно ги повторува игрите по кои беше препознатлив во португалската репрезентација. Луѓето очекуваат да блеснете веднаш штом го облечете новиот дрес, но дресот на Јунајтед има посебна тежина, а Бруно почна да испорачува она што се очекува од него, – рекол Сања.