Екс фудбалер на Реал Мадрид: Сосиедад ми ја спаси кариерата

Не е лесно да се биде талентиран фудбалер, играч од кого сите очекуваат да го покаже талентот, да блесне на големата сцена, односно да се справи со целиот тој притисок.

Доста фудбалери имаат така „изгорено“, поточно останале без предвидените кариери, односно имале само одредени блесоци од проста причина што не се нашле на вистинско место во вистинско време, во соодветна средина.

Такефуса Кибо е еден играч кон кого се насочеи рефлекторите со години, мина неколку години во школата на Барселона, потоа се врати од Јапонија од каде во 2019 година направи кам-бек во Шпанија и тоа во Реал Мадрид. Се очекуваше да добие шанса да ги покаже квалитетите на најголемата сцена, ама постојано беше испраќан на позајмици во Мајорка, Вилјареал, Хетафе, повторно Мајорка по што доби можност да биде дел од Реал Сосиедад.

Тука идеално се снајде, игра значајна улога и Јапонецот му е многу благодарен на составот од Баскија.

-Сосиедад ми помогна да се оправдам како фудбалер, не бев во добар момент и тие ми помогнаа да се вратам во возот кој те носи до успехот, -вели офанзивецот, а пренесува „Марка“.