Екс ѕвезда на Сити и Арсенал не верува во Тотенхем: Тие ќе се распаднат, како и обично!

Тотенхем е изненадувачкиот лидер во Премиер лигата по осум одиграни кола, екипа која собра 20 бодови или поточно оствари шест победи и загуби поени само против градските ривали Арсенал и Брентфорд.

Никој не го очекуваше ова од „петлите“ кои останаа без главниот играч Хари Кејн во летниот преоден рок, меѓутоа Анге Постекоглу создаде една група која засега совршено функционира и бележи одлични резултати.

Многумина не веруваат во Тотенхем, поточно сметаат дека е прашање на време кога ќе почне да паѓа на табелата, а еден од нив е и некогашниот француски репрезентативец и екс член на Арсенал и Манчестер Сити, Бакари Сања.

-Трката за титулата ќе се води меѓу Арсенал и Манчестер Сити, Спарс ќе се распадне, како и обично. И тоа не го зборувам само како навивач на Арсенал. Не гледам дека ќе бидат доволно конзистентни цела сезона.

-Покрај Сон, не гледам никој во тој тим кој може да го води тимот или да игра витална улога во трката за титулата. Имам почит за играчите и тие играат добар фудбал под добар тренер, но сезоната е многу долга и не гледам дека се натпреваруваат на долгорочна основа. Почнаа добро и можат да се квалификуваат за Лигата на шампионите, но не ги гледам како конкуренти за титулата, -порача Сања за „Педи Пауер“.