Екс ѕвезда на Челси: Одлуката на Јунајтед за Аморим е малку чудна

Манчестер Јунајтед го потврди Рубен Аморим како наследник на Ерик тен Хаг, но дел од стручната јавност не е убедена дека англискиот великан направил вистински избор за многу важното, менаџерско прашање.

Португалскиот стручњак оствари импресивни резултати со досегашниот клуб Спортинг, но поранешната ѕвезда на Челси, Џо Кол, смета дека овој потег е многу сличен со назначувањето на Тен Хаг за менаџер на Јунајтед.

– Мислам дека целата ситуација е чудна. Она што го кажа дека барал од Јунајтед да ја заврши сезоната во Спортинг е малку чудно да се истакнува пред доаѓањето во клубот.

– Факт е дека тој е импресивен тренер, она што го направи со ограничен буџет со Спортинг во конкуренција на Бенфика и Порто е голема работа. Но, Манчестер Јунајтед е поинакво ниво.

– Малку е невообичаено, бидејќи сите работи што сега ги велиме за Аморим, ги кажувавме и за Тен Хаг. Се надевам дека овојпат ќе има поинаква завршница, – рекол поранешниот англиски репрезентативец.