Екс директор на репрезентацијата откри како го убедил Јамал да ја избере Шпанија

Алберт Луке за фудбалската јавност е познат како поранешен шпански напаѓач, а подоцна и директор на шпанската фудбалска репрезентација.

Во овој втор период, Луке решаваше важни прашања поврзани со ростерот на актуелниот европски шампион, вклучувајќи го обезбедувањето на Ламин Јамал за селекторот Луис де ла Фуенте.

При гостувањето во емисијата „Ел Ларгуеро“, Луке објаснил како го убедил Јамал, односно неговите родители да ја изберат Шпанија пред Мароко.

– Тоа не беше воопшто лесна работа.

– Мароканците беа агресивни, нивниот селектор го контактирал, па дури и мароканската влада се вмеша во обидот да издејствуваат Јамал да игра за африканската селекција.

– Ламин беше на чисто дека сака да игра за Шпанија и сака да биде европски шампион, но неговиот татко беше покомплициран. Ми рече дека ќе го убијат во Мароко поради таква одлука, а и некои други работи кои е подобро е да не ги кажувам воопшто.

– Ламин најмногу се потпира на неговата мајка, а јас ја излажав кога и кажав дека сакам веднаш да почне да игра за Шпанија затоа што мислам дека е подготвен за такво нешто, иако реално го кажав тоа поради опасноста од Мароко, – открил Луке.