Екс центар на Бостон и Оклахома: Џордан е лажго, драго ми е што не е мој „GOAT“

Многу луѓе го кажаа својот став за документарецот „Последниот танц“ во кој централна личност беше Мајкл Џордан и шампионската генерација на Чикаго Булс.

По емитувањето на истиот има доста луѓе кои го критикуваат Џордан, дел од поранешните соиграчи исто му се налутија поради сликата која беше прикажана за нив, а имаше и такви кои го обвинувал дека измислувал работи, односно дека некои ситуации не биле такви во реалноста.

Околу целата оваа приказна својот став го кажа некогашниот центар на Бостон, Оклахома, Кливленд, Њу Орлеанс и НБА шампион од 2008 година, Кендрик Перкинс.

-Последниот танц е најдобриот документарец што сум го гледал, ама… беше полн со лаги. Драго ми е што Мајкл Џордан не е мој „GOAT“ (најголем на сите времиња). Лажеше и на сите им наштети поради свој интерес. Последниот танц беше направен да се направи Џордан да изгледа како херој и сите други како негативци.

-Скоти Пипен е изнервиран, Хорас Грент, Ајзеа Томас… Покојниот Џери Краус не бил толку лош човек, зборував со многумина и тие тоа ми го потврдија. Среќен сум што Леброн Џејмс е мојот „GOAT“, -порача Перкинс.