Поврзете се со нас

Формула 1

Еклстоун: Хамилтон ќе завршеше како Фетел ако му беше тимски колега на Леклер

Објавено

на

Поранешниот прв човек на Формула 1, Берни Еклстоун останува актуелен во медиумите, а откако периодов стана јасно дека повторно ќе стане татко на 89-годишна возраст, сега ја коментирал ситуацијата во Ферари.

Еклстоун тврди дека минатата сезона не била лесна за Себастијан Фетел бидејќи клубот повеќе го поддржувал Шарл Леклер.

– Убеден сум дека и Хамилтон немаше да успее во Ферари, ако беше на местото на Фетел минатата сезона. Ќе ја доживееше неговата судбина, бидејќи очигледно е дека сите во тимот се вљубија во Леклер и го третираа како прв возач на тимот. Фетел никогаш нема тоа да го искористи како алиби и затоа не го кажал јавно, но јас го познавам добро и знам дека е така дури и без да ми каже, – вели Еклстоун.

– Себ се чувствуваше отфрлен, никој не беше на негова страна и тоа се виде на трките. Еден пилот да успее мора да има целосна поддршка од тимот, а на пример тимот на Мерцедес работи целосно за Хамилтон. Во Ферари не би добил таква поддршка, бидејќи таму Леклер е во прв план, – дополнува секогаш интересниот соговорник.

Реклама
Реклама
Реклама

Популарни