ЕХФ официјално го промовираше првото младинско натпреварување, Еурофарм Пелистер ќе биде дел од „патот кон Келн“

ЕХФ на средина на минатата година најави дека во 2025-та ќе го видиме првото премиерно натперварување во младинска категорија, натпреварување кое ќе биде слично на елитната Лига на шампиони во најсилна конкуренција.

Европската ракометна Федерација сега и официјално го инаугурираше новото натпреварување кое ќе се вика „ЕХФ клупски младински трофеј“, со тоа што беше претставено и логото на новиот проект.

Групите за новоформираното натпреварување веќе беа извлечени и познато е дека младинскиот тим на Еурофарм Пелистер ќе биде дел од премиерната сезона, а ждрепката посака битолчани да се најдат во четвртата група, во која ќе играат полуфинале со Кјелце, а ќе чекаат ривал од Висла Плоцк и Динамо Букурешт.

Квалификацискиот турнир ќе стартува во месец април во кој ќе гледаме разврска на четирите групи, а победникот на секоја од групите ќе патува во Келн.

Новото натпреварување своја завршница ќе има заедно со Ф4 турнирот во машка конкуренција, пракса која отсега ќе се практикува и во иднина.

Група 1 (организатор Веспрем):
Загреб
ПИК Сегед
Веспрем
Војводина

Полуфинале:
Веспрем – Војводија
ПИК Сегед – Загреб
15 и 16 април

Група 2 (организатор Барселона):
Барселона
ПСЖ
Нант
Спортинг Лисабон

Полуфинале:
Барселона – Нант
ПСЖ – Спортинг
16 и 17 април

Група 3 (организатор Фуксе Берлин):
Фуксе Берлин
Магдебург
ГОГ Гудме
Савехоф

Полуфинале:
Фуксе Берлин – Савехоф
Магдебург – ГОГ Гудме
17 и 18 април

Група 4 (организатор Динамо Букурешт):
Пелистер
Динамо Букурешт
Киелце
Висла Плоцк

Полуфинале:
Киелце – Пелистер
Висла Плоцк – Динамо Букурешт
17 и 18 април