ЕХФ ја одложи пресметката меѓу Металург и Тулуз

Екипата на Металург ја очекува битка со Чеховски Медведи во групната фаза на Лига Европа, но во пресрет на истата доби информација дека закажаниот меч со Тулуз во Скопје на 9 февруари е одложен.

„Металурзите“ требаа да го пречекаат францускиот претставник, меѓутоа поради новите правила кои ги воведе Франција, ЕХФ беше принуден да го одложи натпреварот. Според новите протоколи сите лица надвор од ЕУ мораат да бидат во двонеделен карантин при влез во земјата, а истото важи и за Французите кои се враќаат од земји надвор од Европската унија.

Со ова стана невозможно Тулуз да гостува во Скопје, допрва треба да се најде нов термин.