ЕХФ ја издвои изјавата на тренерот на Барселона за едно ракометно правило: Флик знае!

Ханси Флик како тренер на Барселона денеска го коментирал црвениот картон на Џуд Белингам, а со своите зборови очекувано го привлече вниманието на пошироката фудбалска јавност.

Германскиот стручњак го оценил потегот на фудбалерот на Реал како недоличен и не гледа оправдување во фактот дали судијата ја слушнал точната пцовка, а притоа направил и палалела со едно ракометно правило.

Во татковината на Флик ракометот ужива сериозна популарност, па тој на прес-конференцијата истакнал дека е импресиониран од строгото ракометно правило, во кое играчот мора да ја остави топката веднаш откако судиите ќе му ја одземат топката.

– Само еден играч може да разговара со судијата, а тоа е капитенот. Тука треба да заврши работата за останатите. Поради вакви работи ми се допаѓа ракометот, кога судијата ќе свирне со свирчето, топката завршува на земја и почнува акцијата на противникот, – порача Флик.

Европската ракометна федерација преку официјалниот „Икс“ профил на Лигата на шампионите го сподели видеото со изјавата на Флик со краток коментар.

Flick knows 🤜🤛 https://t.co/D9KL6VQzNg

— EHF Champions League (@ehfcl) February 16, 2025