ЕХФ изрече казна за Македонија поради различна боја на чорапите

За „Дерби“ од Унгарија,
Ристе Влахов

Европската ракометна федерација ја казни Ракометната федерација на Македонија со парична казна од 2.000 евра.

Казната е изречена поради носење на различна боја на чорапите на ракометарите на натпреварот со Словенија, одигран во рамките на актуелното Европско првенство.

ЕХФ инсистира на своите строги правила во однос на „дрес кодот“, а Македонија и во минатото има добиено казна поради истата причина.

Административната казна сепак останува во сенка на денешниот голем предизвик, натпреварот со Црна Гора, на кој и двете селекции се во битка за прва победа на ова ЕП.

Натпреварот започнува од 18 часот.