Ефтимов: Олимпискиот сон на Мила се уште трае, целта е да освоиме медал!

Мила Рељиќ беше една од нашите најзабележителни спортисти на Олимписките Игри во Париз, голем настан кој веќе е зад нас и кој само ќе послужи како основа, инспирација за подобри резултати во иднина.

Рељиќ предводена од нејзиниот главен тренер Александар Ефтимов не мирува, активна е на Г1 и Г2 турнирите и веќе започна да собира бодови за обезбедување норма за следните ЛОИ кои се на програмата во Лос Анџелес.

-Олимпискиот сон се уште трае, се додека имаме можност да освоиме медал, прв женски медал за историски успех што ќе биде лична сатисфакција дека сме допринеле за нашата земја. Врвните спортисти не прават голема пауза. Таа кратка пауза од недела-две треба да биде активна, со лесно тренинзи да се одржува телото во физичка кондиција.

-Со натпреварувачкиот ритам треба веднаш да се започне, ние веќе започнавме, одиме на тие Г1 и Г2 турнири каде што се собираат поени за олимписката и светската ранг листа. Минатиов викенд имавме настап, освоивме бронзен медал, -изјави тренерот Ефтимов за Спортско радио 90,3 ФМ.

Целиот разговор можете да го слушнете на следниов ЛИНК.