Ефенберг со оценка на работата на Компани: Баерн повторно доби стабилна филозофија

Баерн Минхен ја заврши календарската година на првото место на бундеслигашката табела, а тренерот Венсан Компани доби комплименти и од Штефан Ефенберг за начинот на кој го водеше германскиот великан изминатите месеци.

Баварците не се толку успешни во Лигата на шампионите, но поранешната ѕвезда на Баерн смета дека Белгиецот се покажал како добар избор на раководството.

– Тој работи мирно и сериозно, не само кога екипата победува, туку и кога губи.

– Последните неколку сезони во Баерн беа турбулентни, но Компани докажа дека е вистински избор за клубот.

– На крајот видовме стабилна фудбалска филозофија, а тоа му е неопходно на тим како Баерн. За комплетирање на впечатокот влијае и високата победа над РБ Лајпциг, – истакнал Ефенберг.