Ефенберг најави дека Борусија ќе се бори за титулата и очекува блесок на едно засилување

Борусија Дортмунд минатата сезона не можеше да се бори за титулата во Бундеслигата, а со такви амбиции ќе влезе и во новата, во која ќе има и променет состав.

Германскиот клуб направи мала реконструкција на екипата, при што доведе и важни засилувања, а Штефан Ефенберг смета дека „милионерите“ имаат многу посилен тим и реална можност да се борат за титулата.

– Борусија веќе направи одлични потези во однос на планирањето и составувањето на ростерот, па може да се смета како претендент за титулата.

– Имаат одлична основа, на голот Кобел, во одбраната Зиле, Антон и Шлотербек, во средината го доведоа Грос, а тука се и напаѓачите Гираси и Бајер.

– Со „Жолтиот ѕид“ зад нив и новиот тренер, Борусија ќе има добра сезона и ќе учествува во битката за трофејот.

– Истовремено, очекувам Бајер експресно да се претвори во нова голема ѕвезда на екипата, но и воопшто Бундеслигата, – рекол Ефенберг.