Една мега-пресметка и италијанско дерби во четвртфиналето во ЛШ (Фото)

Осминафиналната фаза во Лигата на шампионите ги одреди осумте патници во четвртфиналето, а како што беше најавено, денеска точно напладне се одржа ждрепката за оваа фаза.

Извлекувњето кое се одржа во европската куќа на фудбалот во Нион ни донесе навистина атрактивни и возбудливи четвртфинални парови во најелитното натпреварување, од кои посебно се издвојуваат пресметките кои ќе ги имаат Баерн Минхен и Манчестер Сити, односно Реал Мадрид и Челси.

Бранителот на титулата повторно ќе има англиски ривал во Лигата на шампионите, а интересно ќе игра со Челси во истата фаза како и минатата сезона.

Сепак, најдраматично и највозбудливо се очекува да биде меѓу Баерн и Сити, од едноставна причина што двата тима немаат претрпено пораз оваа сезона во Лигата на шампионите.

Интересно е тоа што ќе гледаме и италијанско дерби во четвртфиналето меѓу Наполи и Милан, додека последниот пар е оној меѓу Бенфика и Интер.

Хамит Алтинтоп и Патрик Клајверт беа задолжени за извлекувањето на денешната ждрепка, на која се одредија и како ќе вкрстуваат екипите во полуфиналето.

Победниците од Милан-Наполи и Бенфика-Интер ќе го сочинуваат првото полуфинале, додека во второто ќе вкрстат подобрите од дуелите Реал-Челси, односно Баерн-Сити. Ова е патот до големото финале во Истанбул кое е закажано за 10-ти јуни.

BREAKING: The Champions League quarter-final and semi-final draws are complete! ✅🏆 pic.twitter.com/S7An5WAGQZ

— Sky Sports Football (@SkyFootball) March 17, 2023