Едерсон за неговата иднина во Сити: Разговарав со Гвардиола и донесов одлука

Бразилскиот репрезентативец, Едерсон Сантана Де Мораеш донесе одлука за неговата иднина во дресот на премиерлигашот Манчестер Сити.

За голманот имаше сериозен интерес од Саудиска Арабија и во еден момент изгледаше дека е на добар пат да си замине од Сити, меѓутоа откако клубот наметна свои услови за разделба и работите стивнаа, самиот Едерсон одлучи да се повлече од таа идеја и останува на „Итихад“ најмалку уште една сезона.

-Готово е. Зборував со некои играчи, тренерот, директорот, сите. Разговарав со моето семејство и тоа беше заедничка одлука. Ќе останеме повеќе години во Сити.

-Медиумите кажуваат многу работи, понекогаш измислуваат малку повеќе. Но, јас веќе одлучив за мојата иднина, особено по разговорот што го имав со Гвардиола. Оваа сезона, јас сум целосно фокусиран во Сити со моите соиграчи во потрага по повеќе титули, -рече Бразилецот кој е под договор до 30 јуни 2026 година.