Поврзете се со нас

Светски првенства

Еден унгарски играч ги прислушкувал советите кои Лазаров им ги делел на ракометарите: Разбирав што им кажува

Објавено

на

Унгарската ракометна репрезентација успеа да избегне пораз во самата завршница од возбудливиот меч со Македонија, а еден од најрасположените противнички играчи беше Зоран Илиќ.

Десниот бек беше посебно инспириран на стартот на натпреварот кога постигна четири голови во мрежата на Никола Митревски, но до крајот постигна уште два и всушност беше најдобар стрелец во противничкиот табор.

Поради своите српски корени, Илиќ доволно добро го познава и љубовта која ја негуваат Македонците кон ракометот, меѓутоа на унгарските новинари им открил дека бил користен од тренерот и за да ги слуша советите кои им ги давал Кирил Лазаров на нашите репрезентативци.

– Поради тоа што зборуваме навистина сличен јазик, се обидував да обрнам посебно внимание додека бев на клупата, со цел да можам добро да се распоредам во одбрана и да му помогнам на тимот.

– Првиот натпревар на Светско првенство секогаш е тежок, имавме добар старт, но потоа уништивме се со нивната серија од 8:1. Се обидовме да се вратиме и фала му на Бога го направивме тоа. Моравме да се бориме против расположениот македонски голман цели 60 минути, па на крајот добро е што извлековме бод, – изјавил Илиќ.

Advertisement
Advertisement

Италија

Advertisement

Популарни