Еден од хероите на Звезда: Нека ни се падне Реал, да им покажеме какво значење има „Маракана“!

Црвена Звезда го надополни дефицитот од Норвешка и вчера со 2:0 го совлада Бодо, победа со која српскиот првак се пласираше во групната фаза во Лигата на шампионите.

Звезда ќе биде дел од премиерната сезона со нов формат во најквалитетното европско натпреварување, а после големиот триумф и емоциите на теренот и трибините, фудбалерите од првиот тим почнаа да си ги креваат амбициите.

Огњен Мимовиќ беше стрелец на голот на првиот меч во Норвешка и вчера исто така одигра извонреден натпревар, по кој нагласи дека идеален противник за Звезда во групната фаза би бил европскиот шампион.

– Многу сум среќен, но најверојтно уште не сме свесни што направивме. Од 80-та минута до крајот го чекав само последниот судиски свиреж. Во последните 20 минути погинавме на теренот.

– Во групната фаза сакам да играме против силни екипи. На пример, јас го посакувам Реал Мадрид. Да им покажеме какво значење има нашата „Маракана“. Ова што го доживеавме на стадионот е нестварно, не можам да опишам какво е чувството на овој стадион, – изјави младиот десен бек.