Еден играч на Баерн доби куп пофалби од Фердинанд и Харгрејвс: Каде беше, а каде е сега..

Баерн Минхен очекувано се пласираше во финалето откако ја искористи фаворитската улога и со 3:0 славеше против тимот на Лион.

„Баварците“ на овој натпревар беа предводени од Серж Гнабри кој постигна два погодоци  во првиот дел од натпреварот.

Играчот кој не се снајде во Арсенал и Вест Бромвич сега доби куп пофални зборови од Рио Фердинанд и Овен Харгрејвс кои го следеа натпреварот од студиото на „БиТи Спорт“ и беа стручни коментатори за истиот.

– Неговата статистика е феноменална. Тој се наоѓа на топ ниво, светска класа. Тој дојде во Германија и буквално експлодира, а вечерва беше неверојатен.

– Ќе одам дотаму и ќе речам дека тој е еден од играчите кои најмногу напредуваа во фудбалот во овој момент. Не верувам дека има играч со подобра нагорна траекторија на кариерата од неговата.

– Каде беше кога беше избркан од Арсенал и Вест Бромвич, а каде е сега. Вау, -коментираше Рио, а на неговите зборови се надоврза и Овен Харгрејвс.

– Тој е неверојатен играч кој не добива многу почит за неговата целокупна игра.  Носи одлични одлуки, тој е паметен и знае кога да истрча од позадина. Тој е силен и неверојатен финишер, -заврши Харгрејвс.