Еден ден по епското финале: Ѓоковиќ смисли прекар за своето ривалство со Алкарас и џентлменски му се обрати на Шпанецот (Фото)

Новак Ѓоковиќ стигна до толку посакуваниот златен олимписки медал и го оствари сонот за кој мечтаеше од стартот на својата професионална кариера, во која сега успеа да комплетира се што може да се замисли.

После сите освоени титули на Мастерсите и грен слем турнирите, како и освоената „салатара“ во Дејвис Купот, Ноле на 37-години дочека шанса да се радува на една Олимијада, победувајќи го најдобриот тенисер во овој момент.

Карлос Алкарас беше во убедливо најдобра форма и тоа го покажа со освоените титули на Ролан Гарос и Вимблдон, па затоа победата која ја забележа Новак има уште поголема тежина.

Фановите веќе и заборавија на фактот дека Србинот правеше операција на коленото пред два месеци, што само потврдува каква спортска легенда е човекот за кој многумина сметаат дека е и најголем играч на сите времиња.

Ѓоковиќ најави дека бурно ќе го слави олимпиското злато во наредните 48 часа, но еден ден по епското финале добиено во два тајбрејка, почувствува потреба да му се обрати на Алкарас, на кого му порача дека нивното ривалство прераснало во „Ел Класико“.

– Уште едно епско финале Карлос. Ел Класико. Честитки за тебе и за твојот тим за извонредните Олимписки игри. Со оглед на твојата возраст и енергијата која ја имаш додека играш, ти најверојатно имаш уште 20 Олимписки игри пред тебе. Ќе дојде време за твоето злато. До следниот пат, пријателе, – му порача Ноле на Алкарас.

Another epic final, @carlosalcaraz. El clasico. Congratulations to you and your team for an excellent Olympics. Considering your age, your energy and the way you play, you probably have 20 more Olympics ahead of you 😆. Your gold will come. Until next time, amigo. pic.twitter.com/UNc47Ayetk

— Novak Djokovic (@DjokerNole) August 5, 2024