Ед Ширан му го прекина интервјуто на Аморим и ги разлути фудбалските фанови (Видео)

Рубен Аморим нема по многу добри нешта да го памети своето деби во Премиер лигата, а сигурно не му било мило и кога Ед Ширан го прекинал неговото интервју по крајот на мечот на „Портманд Роуд“.

Големата музичка ѕвезда е составен дел од речиси секој натпревар кој го игра Ипсвич на домашен терен, па како огромен фан на овој клуб, Ширан беше уловен и од режисерот на вчерашниот натпревар.

Јунајтед одигра само 1:1 против еден од најлошите тимови во Премиер лигата, а додека Аморим се обидувал да остане коректен и да одговори на сите повици од телевизиските куќи, при давањето интервју за „Скај Спортс“ бил прекинат во еден момент.

Причина за тоа бил Ед Ширан кој влетал во кадарот, а бидејќи музичката ѕвезда доби големи критики за оваа постапка, следеше и извинување преку социјалните мрежи.

– Се извинувам ако вчера го навредив Аморим. Во дадениот момент не сфатив дека тој всушност е интервјуиран. Се вклучив за да го поздравам Џејми Реднап. Очигледно е дека се чувствувам како „го..о“, но животот продолжува. Натпреварот беше добар, честитки до сите кои беа дел од него, – порача Ед Ширан.

🚨🎥 – Moment when Ed Sheeran gatecrashed Ruben Amorim's post-match interview.

Don't care who he is, but think this was so rude and disrespectful.

Couldn't just waited for the interview to finish. pic.twitter.com/gz6JyOZLna

— UF (@UtdFaithfuls) November 24, 2024

Ed Sheeran has apologised for interrupting Ruben Amorim's interview with Sky Sports after Man Utd's draw with Ipswich 🗣#BBCFootball pic.twitter.com/m7cQGp5NGT

— BBC Sport (@BBCSport) November 25, 2024