Ѕвездите на Реал бираа „БМВ“: Ридигер и Чуамени најскромни, Винисиус го избрал најскапиот модел

Реал Мадрид им овозможи на своите фудбалери да си изберат нов службен автомобил од програмата на „БМВ“, а спонзорот на шпанскиот клуб ставил на располагање пет модели со различни карактеристики, па и реална цена на пазарот.

Според шпанските медиуми, најскромни биле Антонио Ридигер и Орелијан Чуамени кои ја избрале најевтината варијанта, односно во иднина ќе го возат моделот „iX2“, чија почетна цена е околу 60.000 евра.

Килијан Мбапе и Џуд Белингам избрале ист модел „XM“, што всушност е плаг-ин хибрид со дури 659 коњски сили, но Мбапе избрал бела, а Белингам црна боја како основна на својот примерок.

Винисиус и Лукас Васкез го избрале најскапиот достапен модел, односно електричниот „i7 М70“, чија почетна цена е нешто под 200.000 евра.