Ѕвездите на Јунајтед се жалат: Дресовите им биле претесни, чорапите им ги притискале листовите

Манчестер Јунајтед има комплициран почеток на сезоната, менаџерот и екипата заработуваат многу критики од фановите, кои го губат трпението со секој следен неубедлив настап и резултат.

„Дејли Мејл“ се надоврза на хаотичната ситуација со текст во кој тврди дека фудбалерите на Манчестер Јунајтед се жалат на опремата која им ја доставил спонзорот „Адидас“ и дека производителот бара решение за поплаките.

Фудбалерите наводно играле со реплика дресови, затоа што оригиналните им биле претесни, а вакви забелешки имал и голманот Андре Онана, кој морал да направи слична замена на последните натпревари.

Истовремено, членовите на Јунајтед се жалеле и на чорапите, кои им правеле преголем притисок на листовите на нозете. Поради ова, дел од ѕвездите на премиерлигашот правеле дупки за да го намалат притисокот, но како привремено решение се искористени примероци кои се продаваат и за фановите.

Играчите на Ерик тен Хаг допрва ќе очекуваат конечно решение од „Адидас“, а ќе треба да се снаоѓаат како и досега и на денешниот дуел со Њукасл.