Ѕвездата на Интер ја предводи топ листата: Десетте највредни играчи во Серија А

Серија А е една од петте најсилни лиги во Европа, а со тоа и во светот ако се земе предвид дека токму на стариот континент се игра најквалитетниот и најдобриот фудбал.

Во овој шампионат настапуваат топ играчи, асови кои го разбираат фудбалот и знаат да направат разлика на теренот, а десет од нив се посебни и се издвојуваат ако се погледне нивната пазарна вредност.

Имено според „Трансфермаркт“, во Калчото има само еден фудбалер кој вреди над 100 милиони евра-тоа е капитенот на шампионот Интер, Лаутаро Мартинез.

Тој „тежи“ 110 милиони евра или 20 повеќе во однос на вториот на листата Рафаел Леао од Милан. Потоа следуваат Кварацхелија и Барела со по 80, Бастони и Луиз по 70 милиони евра, а во првата десетка се уште Тирам (Маркус), Влаховиќ (65 милиони евра), Ернандез и Бремер (60).