Ѕвезда на Сити негодува поради распоредот: Ова е навистина лудо!

Португалската фудбалска репрезентација ќе игра против Хрватска на стартот на новото издание на Лигата на нации, а во пресрет на ова дерби, Бернардо Силва зборувал за распоредот кој станува се попроблематичен за фудбалерите.

Португалскиот репрезентативец се пожалил на фактот што сезонава е зголемен бројот на натпревари и тоа веќе станува комплицирано за членовите на клубовите.

– Кога фудбалерите се жалат, луѓето велат дека немаме право на такво нешто поради животот кој го имаме. Тоа е точно, го живееме нашиот сон и го сакаме она што го работиме, но натпревари има се повеќе.

– Распоредот е целосно луд и никој не сака да даде објаснување за тоа.

– Сега дознавме дека меѓу натпреварот со Арсенал вo првенството и Вотфорд во Лига купот ќе имаме само еден ден одмор и ако не бидеме елиминирани, ќе играме натпревар секој трет ден наредните неколку месеци. Мислам дека притисокот кој го трпиме станува апсурден.

– Има повеќе натпревари во Лигата на нации, повеќе натпревари во Лигата на шампионите, па уште и евентуален плејоф за осминафинале. Тука е и Светското клупско првенство во летниот период, навистина не е лесно за фудбалерите, посебно оние кои живеат во странство, – рекол фудбалерот на Манчестер Сити.