Ѕвезда на Партизан: Јас сум најдобар шутер во Евролигата

Партизан комплетно ја промени екипата за оваа сезона, односно тренерот Жељко Обрадовиќ доби нов тим кој треба да испорача резултати како на домашната, регионалната така и на европската сцена.

„Црно-белите“ ангажираа квалитетни имиња, а меѓу оние кои најмногу досега се покажаа, докажаа или беа најконстатни е Стерлинг Браун. Некогашниот член на Милвоки Бакс, Далас Маверикс, Хјустон Рокетс и Лос Анџелес Лејкерс пристигна во Белград од Алба Берлин и во шест од последните седум меча во Евролигата постигна барем по три тројки.

Браун има навистина импресивни шутерски бројки 59 проценти за два, 43,5 проценти за три поени и 92 проценти од пенал линијата. Самодовербата кај Американецот е на највисоко ниво и за себе смета дека е најдобар шутер во Евролигата.

-Мислам дека сум најдобар. Мислам дека никој не може да шутира подобро од мене. Имам самодоверба бидејќи многу работам. Ќе продолжам да го покажувам и да се подобрувам – не само во шутирањето. Сакам да влијаам на играта на различни начини.

-Да одам до обрачот, вклучување на моите соиграчи, одбрана… тројката е само една од работите што ги правам, -истакна Стерлинг за „Спорт Клуб“.