Ѕвезда на Милвоки го подигна трофејот, па реши да го подели бонусот со вработените во тимот (Видео)

Милвоки ја надигра Окахома во финалето на НБА Купот и го освои трофејот во второто издание на новоформираното натпреварување во Америка, турнир кој носи големи финансиски придобивки за самата лига, но и за играчите.

Јанис Адетокумбо и Демијан Лилард беа одлучувачки фактор во финалето и со своите изданија му ја донесоа титулата на Милвоки, но овој вториот се најде во центарот на вниманието и поради изјавата која ја даде по натпреварот во Лас Вегас.

За освоениот трофеј, секој играч на Милвоки на својата сметка ќе добие половина милион долари, сума која Лилард вети дека ќе ја подели со сите вработени во тимот зад сцената.

– Долго се занимавам со овој спорт, а кога ќе добијам бонус, сигурно нема да ги земам парите и залудно да ги потрошам.

– Овие пари ќе им ги поделам на помошните луѓе во нашиот тим, луѓето кои работат со нас по цел ден, а не се во центарот на вниманието. Ќе ги поделам сите 500 илјади долари, ќе оставам само мала порција за мене, – порача Лилард.

“When I get it, I ain’t gonna just blow it or go crazy. … [I’ll give it] to the support staff, our training staff… do something to support them.”

Damian Lillard on what he’ll do with the $500,000 if the Bucks win the NBA Cup 💯pic.twitter.com/Z4yZ4Y7icw

— ClutchPoints (@ClutchPoints) December 17, 2024