Ѕвезда на Ливерпул: Изгледа дека сме кандидати за титулата

Победата над Астон Вила е уште една потврда за одличната форма на Ливерпул, а истата донесе и пет бодови предност во однос на актуелниот шампион Манчестер Сити.

Тимот предводен од Арне Слот постигнува одлични резултати од почетокот на сезоната, па и фудбалерите веќе се убедени дека можат да се борат за титулата.

Алексис Мек Алистер по вчерашниот триумф на „Енфилд“ зборувал токму на оваа тема.

– Ако сме на врвот со пет бодови предност, тогаш тоа покажува нешто.

– Доколку ме прашавте на почетокот на сезоната, ќе ви кажев дека не сме кандидати за титулата, но сега делува дека сме. Сепак, треба да одиме чекор по чекор, – рекол аргентинскиот репрезантативец.

Ливерпул последен пат беше англиски шампион во сезоната 2019/20.