Ѕвезда на Челси одби да игра против Македонија, Саутгејт го предупреди: Ризикува за настап на ЕП

Англија се пласираше на Европското првенство и може комотно да игра со втор тим на претстојите два завршни натпревари во квалификациите, а тоа се дуели против селекциите на Малта и Македонија.

Сепак, така не размислува Герет Саутгејт кој ги повика сите најдобри на кои може да смета, со исклучок на една ѕвезда на Челси која самостојно одбила да игра во ноемврискиот квалификациски циклус.

Рис Џејмс го одбил повикот од селекторот со објаснување дека сака да се фокусира на целосно рехабилитирање од серијата повреди, но Саутгејт го предупреди дека тоа може негативно да се одрази врз него кога ќе дојде ред за конечната листа за Европско првенство.

– Се надевав дека ќе можам да го селектирам Рис Џејмс, но тој реши да не го повикувам, ми порача дека не е доволно подготвен за репрезентацијата. Го разбирам, мина долг пат со повреди и сега е доста претпазлив.

– Не ме сфаќајте погрешно, имавме добар разговор и сака да се рехабилитира целосно со настапи за клубот. Го сфаќам неговиот избор, но и тој го сфати ризикот кој го презема. После овој квалификациски циклус има само уште едно селектирање пред Европското првенство, па знае дека презема ризик бидејќи во моментов има неколку играчи пред него на бековската позиција, – изјави Саутгејт.