Ѕвезда на Барселона за последното „Ел Класико“: Не бевме потценети, туку супериорни

Поминаа неколку недели по убедливата победа на Барселона против Реал Мадрид во последното издание на „Ел Класико“, но епилогот на оваа средба и натаму е важна тема за медиумите.

Токму поради тоа, Дани Олмо во последното интервју добил прашање на оваа тема, истакнувајќи дека не се согласува со оние медиуми кои сметаат дека неговата екипа била потценета од актуелниот шампион.

– Се работи за „Ел Класико“, никој не може да потцени никого. Тоа би било непочитување и сигурно би имало негативен ефект на теренот.

– Мислам дека едноставно бевме супериорни, одигравме онака како што посакувавме, ја реализиравме нашата стратегија и ги освоивме трите бода.

– Би сакал да ги освоиме сите трофеи сезонава, тоа е и една од најважните причини што дојдов во Барселона, – рекол Олмо.