Џунтоли го посочи приоритетот број еден за Јувентус во јануарскиот преоден рок

Јувентус изгледанеше неверојатно цврсто и гранитно во одбраната во периодот во кој Глејсон Бремер беше командант во дефанзивниот систем на Тиаго Мота, но тешката повреда на Бразилецот ги расипа плановите на новиот тренер и значително му ги закомплицира работите.

Тимот на Мота изгледа многу поранливо во дефанзива по тешката повреда на стоперот, па јасно е дека „старата дама“ ќе мора да бара перменантна или привремена замена во зимскиот преоден рок.

Фановите на Јувентус сметаа дека тимот треба да се засили и во нападот каде Душан Влаховиќ нема достојна замена, но спортскиот директор Кристијано Џунтоли посочи дека приоритет број еден е нов дефанзивец.

– Повредата на Бремер беше тежок удар за нас. За жал, проблем е и тоа што имавме неповолни околности и со играчите кои се тука за ротација.

– Ако треба да бирам, во јануари приоритет ни е дефанзивец, а не напаѓач. Мислам дека можеме да користиме и други играчи во нападот, а еден од нив е Кенан Јилдиз. Имаме алтернативи во нападот, бидејќи очекување свој учинок да има и Милик кога ќе се врати од повреда, – изјави Џунтоли.