Џунтоли го откри планот на Јувентус за зимскиот преоден рок, спомена едно име

Се ближи зимскиот преоден рок, а една од екипите која се очекува да биде активен е калчолигашот Јувентус.

Јувентус има доста проблеми со повредени играчи во текот на тековната сезона со тоа што за двајца истата е веќе завршена и клубот едноставно е принуден да реагира затоа што се работи за фудбалите од дефанзивната линија-Бремер и Кабал.

Спортскиот директор Кристијан Џунтоли е во акција и отворено проговори за едно име, Давид Ханцко од Феенерод кој може да игра како стопер, но и како лев бек.

-Ние бараме решение. Давид е добар играч кој го проверуваме некое време, не е единствениот, но секако треба да направиме нешто за одбраната, -рече Џунтоли кој не сака други промени во тимот на зима.

-Во моментов намерата ни е да ги покриеме двете големи повреди што ги имаме во одбраната. Искрено, не би сакале никого да изгубиме, но ќе видиме што ќе каже трансфер пазарот, -порача оперативецот.