Репрезентација

„Џомба“ се збогува од репрезентацијата, ЕХФ вели „бајките постојат“ (Фото)

Објавено

на

30 април, 2023

Од

Кирил Лазаров го назначи Гоце Георгиевски за капитен на последниот натпревар во неговата репрезентативна кариера, кој на крајот заврши онака како што замислуваше долгогодишното крило на нашиот најсилен национален тим.

Популарниот „Џомба“ се одјави на најдобар можен начин, односно со постигнат гол во самата завршница од мечот со Турција, но и со пласман на Европското првенство, на кое место ќе им остави на помладите.

– Ова беше тежок натпревар за мене, некако бев емотивно испразнет и во мислите ми беше само победата. Сакав триумфално да ја завршам репрезентативната кариера и тоа го остварив.

– Чувствував голем притисок денеска, но на крајот испадна добро. Очекувавме тежок меч, Турција е добра селекција, но јас на крајот завршив со победа. Си одам триумфално поради пласманот на Европското првенство, – изјави Георгиевски по натпреварот.

Пред истиот, „Џомба“ доби благодарница од РФМ и врамен дрес со неговиот број, додека неговиот последен меч го одбележа и ЕХФ кој неговата фотографија со Кире ја наслови „бајките постојат“.