Џирона долови како минал првиот работен ден на Миовски во новата средина (Видео)

Џирона ја стартуваше новата сезона во шпанската Ла Лига со реми против Бетис, но клубот од Каталонија истовремено се занимаваше и со прецизирање на сите детали околу Бојан Миовски.

Македонскиот репрезентативец ја засили Џирона и доаѓа како адекватна замена за Артем Довбик, откако претходно воодушеви со своите изданија како член на Абердин.

Миовски се поврзуваше со многу островски тимови и со преселба во Италија, но на крајот Џирона беше таа која сериозно притисна за трансфер и која направи операцијата да се заврши многу брзо.

Бојан вчера немаше шанса да биде дел од тимот кој ремизираше со Бетис (1:1), а веќе денеска го имаше првиот работен ден како член на тимот на Мичел.

Џирона на својот јутјуб канал објави материјал од искуството кое го доживеал Миовски во тренинг базата на клубот, па од тоа што може да се види, Македонецот работел во теретана на својата физичка кондиција.