Џилардино е убеден: Балотели може да направи разлика…

Марио Балотели се врати на италијанската сцена и тоа со ангажман во редовите на некогашниот тим на нашиот Горан Пандев, составот на Џенова.

Искусниот офанзивец беше ангажиран да помогне во нападот и веќе одигра два натпревари во кои влеза како резерва против Парма и Комо, но допрва се очекува да го покаже она вистинското, а во тоа напаѓачот има апсолутна поддршка од тренерот Алберто Џилардино.

-Нормално е дека тој мора да се доведе во линија со тимот кога ќе се приклучи на групата, за да се увери дека може целосно да се врати на она што отсекогаш успевал да го направи: правење разлика во натпреварите, без разлика дали се работи за 15 минути, половина час или цел натпревар.

-Предизвик е за нас кој го прифативме, но и за него да покаже дека сè уште е играч на ниво на Серија А и дека може да направи разлика, -истакнал Џилардино за „Спорт Медијасет“.