Џерард отиде во Саудиска Арабија и стана меѓу најплатените пет тренери на светот

Стивен Џерард изненади многумина со одлуката да се пресели во Саудиска Арабија каде го презема тамошниот прволигаш Ал-Етифак за кого настапува македонскиот репрезентативец, Дарко Велковски.

Џерард немаше ангажман по отказот од Астон Вила, во меѓувреме неговото име се споменуваше, поврзуваше со неколку клубови за да пред некое време се наредат коцките и тој замине на Блискиот Исток.

Ова е потег во кој финансиската понуда дефинитивно одиграла клучна улога затоа што Англичанецот со преселбата во Ал-Етифак стана еден од петте најскапо платени стратези на светот.

Тој годишни ќе заработи по 15,2 милиони фунти што е далеку повеќе од тренери од рангот на Карло Анчелоти (9,6) и Жозе Мурињо (8,1).

Пред него се само Диего Симеоне (30 милиони фунти), Пеп Гвардиола (20) и Јирген Клоп (15,2). Во првата десетка се уште Алегри, Тухел, Покетино, споменатиот Анчелоти, Тен Хаг и Инѕаги.