Џентлменски потег на Јувентус: Ангажираше поранешен играч кој принудно ја заврши кариерата

Италијанскиот клуб Јувентус денеска официјално го потврди враќањето на Симоне Мураторе во своите редови, овојпат како член на стручниот штаб во младинската академија.

Пред само неколку дена, 26-годишниот Мураторе објави крај на професионалната кариера, заблагодарувајќи им се на поранешните клубови, Јувентус, Аталанта и Тондела за поддршката во најтешките моменти од животот.

Simone Muratore di nuovo alla Juventus ⚪️⚫️

— JuventusFC (@juventusfc) December 19, 2024

Мураторе не доби вистинска шанса во првиот тим на Јувентус, по што замина во Аталанта и на крајот во Португалија, но мораше принудно да паузира по шокантната вест дека има бениген тумор во мозокот.

Следувала комплексна операција која за среќа завршила со добар исход, но и тежок период на рехабилитација во која Мураторе морал да се соочи со многу предизвици во однос на основните функции на телото и мозокот.

Сега, Мураторе е подготвен да продолжи да работи во фудбалот, а Јувентус џентлменски реши да му даде шанса во академијата, во која и самиот настапуваше како фудбалер.

 

View this post on Instagram

 

A post shared by SM38 (@simonemuratore)