Џенова немилосрдно ги користеше шансите и ја наполни мрежата на Рома (ВИДЕО)

Џенова сезонава игра одлично против римските клубови, па по триумфот над Лацио, вечерва успеа да ја совлада Рома и тоа со многу поубедливи 4:1.

Избраниците на Алберто Џилардино погодија четири пати од четири упатени удари во рамките на голот на Руи Патрисио, ставајќи го противникот во незавидна позиција по шест одиграни натпревари.

Џенова поведе уште во 5. минута со голот на Гудмундсон, но Кристанте возврати седумнаесет минути подоцна и се чинеше дека Рома ќе може да се врати во ситуација да оди на победа и да го оправда фаворитскиот статус.

Сепак, Ретеги повторно донесе предност за домаќините во 45. минута, а во вториот дел Торсби и Месијас ги поставија конечните 4:1, нанесувајќи и трет пораз на „волчицата“ сезонава.

Џенова стигна до 7 бода и се одлепи од дното, додека Рома има само 5 бода по 6 одиграни натпревари, што сигурно ни одблиску не е нешто што го очекуваа Жозе Мурињо и фановите на римскиот клуб.