Џенова го пронајде наследникот на Шевченко: Германец ќе биде нов тренер на Пандев и компанија

Италијанскиот прволигаш Џенова е во многу комплицирана ситуација во оваа сезона и до крајот му престои тешка битка за опстанок во Серија А.

На екипата воопшто не му оди и најдоба доказ за тоа е вчерашниот пораз од Фиорентина од 6-0 и тоа само неколку дена откако управата одлучи да му врачи отказ на тренерот Андриј Шевченко. Клубот бара нов тренер и сака што побрзо да го реши тоа прашања, па според италијанските медиуми изборот паднал врз 55-годишниот германски стручњак Бруно Лабадија.

Ако овие најави се остварат ова за Бруно ќе биде прво тренерско искуство надвор од Германија каде ги водеше Дармштат, Гројтер Фирт, Баер Леверкузен, Хамбургер, Штутгарт, Волфзбург и Херта.

Џенова со 12 бода се наоѓа на претпоследната 19. позиција во Калчото.