Џек-пот за Емери: Астон Вила ја договори ѕвездата која испадна со Лестер (Фото)

Лестер приреди големо разочарување и испадна од елитното друштво во сезоната која заврши, но добар дел од играчите на „лисиците“ ќе бидат одлична мета на дел од премиерлигашките кои сакаат да се засилат за следната кампања.

Ужасниот летен преоден рок минатата година на крајот резултираше со испаѓање и покрај солиден профил на фудбалери кои важат за топ класа, а еден од нив беше и Јури Тилеманс.

Белгискиот репрезентативец уште пред неколку месеци се поврзуваше со неколку англиски клубови, но испаѓањето од Премиер лигата најбрзо го искористи Астон Вила.

Клубот од Бирмингем вечерва соопшти дека ги договорил сите детали со Тилеманс и дека тој потпишал четиригодишен договор, а првиот работен ден е го има на почетокот на месец јули.

Договорот со Лестер му истекува на крајот на овој месец, па Тилеманс се сели кај Унаи Емери како слободен агент.

Aston Villa is delighted to announce that the club has reached an agreement to sign Youri Tielemans.

— Aston Villa (@AVFCOfficial) June 10, 2023