Евролига

Џејмс со луда тројка го реши Реал, трилерот во Тел Авив за Милано (ВИДЕО)

Објавено

на

26 ноември, 2020

Од

Кошаркарите на ЦСКА Москва излегоа како победници во дерби пресметката со Реал Мадрид во Евролигата.

Дуелот во Русија ги оправда сите очекувања, беше драматично и незвесно до самиот крај, а кошот вреден победа за домаќините беше дело на Мајк Џејмс. Џејмс успеа на 2 секунди до крајот да погоди тројка под прекршок и потоа да го реализира дополнителното слободно фрлање.

Со тоа донесе водство на ЦСКА од 74-71, водство кое центарот на Реал Таварес го намали на 74-73 за крај на натпреварот.

Токму Џејмс со 28 поени беше прво име кај „армејците“, кај „кралевите“ листата на стрелци ја предводеше Томпкинс со 15 кошеви.

Најдраматичната средба вечерва се одигра во Тел Авив каде Олимпија Милано по едно продолжение славеше над Макаби со 86-85. Кошот за победа го даде Дилејни на три секунди до крајот со што ја комплетираше партијата во која уфрли вкупно 16 поени и 4 асистенции.

Вреди да се истакна изданието на Пантер кој застана на 18 поени, додека во таборот на Макаби по 17 дадоа Брајант и Вилбекин.